Vörumiðlun fékk nú á dögunum afhendar nýjar Scaníur frá Kletti. En með þessu er verið að endurnýja flotann og vera í takt við tímann

Gerðar hafa verið eftirfarandi breytingar á akstursleiðum til Hólmavíkur og um Strandir.

Tilkynning vegna vöruflutningaþjónustu

Undanfarnar vikur hafa staðið yfir viðræður milli KM þjónustunnar ehf. og Vörumiðlunar ehf. á Sauðárkróki um að Vörumiðlun taki við flutningarekstri KM þjónustunnar. Viðræður hafa gengið vel og náðist sátt um samninga á milli viðkomandi aðila í lok síðustu viku um að Vörumiðlun taki alfarið yfir allan flutningarekstur KM þjónustunnar frá og með 1. mars 2013. KM þjónustan hefur verið með rekstur vöruflutninga í Dölum frá árinu 2000 og í Reykhólasveit frá árinu 2005. Á þeim tíma hafa verið reglulegar áætlunarferðir milli Reykjavíkur, Dala og Reykhólasveitar.

Vörumiðlun ehf. var stofnuð árið 1996 með samruna Flutningadeildar KS og Vöruflutninga Magnúsar Svavarssonar á Sauðárkróki. Varð þá þegar til öflugt flutningafyrirtæki með afkastamikinn flota flutningatækja af ýmsu tagi. Á árinu 2004 voru síðan flutningafyrirtækin Húnaleið á Skagaströnd, Tvisturinn á Blönduósi og flutningadeild KVH á Hvammstanga seld til Vörumiðlunar.

Þá var flutningadeild Kaupfélags Steingrímsfjarðar seld Vörumiðlun. Höfuðstöðvar fyrirtækisins eru á Eyrarvegi 21 á Sauðárkróki en að auki á fyrirtækið húsnæði á Blönduósi. Annars staðar leigir Vörumiðlun aðstöðu. Ákvörðun KM þjónustunnar hvað varðar flutninga er því sú að efna til samstarfs við sterkan flutningsaðila sem Vörumiðlun er.

KM þjónustan mun hér eftir verða afgreiðsluaðili Vörumiðlunar í Búðardal og verður óbreytt fyrirkomulag frá því sem verið hefur hvað varðar þjónustu, áætlanir og afgreiðslu.
Þá verða bílstjórarnir þeir sömu og verið hefur. Það er von KM þjónustunnar og Vörumiðlunar að samstarfið verði farsælt og að viðskiptavinir beggja aðila verði fyrir sem minnstum óþægindum á meðan þessar breytingar ganga yfir.

KM þjónustan vill þakka viðskiptavinum flutningadeildar ánægjuleg viðskipti á liðnum árum og jafnframt bjóða Vörumiðlun velkomna í Dalina. Einnig þakkar KM þjónustan bílstjórum sínum fyrir sín góðu störf og óskar þeim velfarnaðar í starfi hjá Vörumiðlun.

F.h. KM þjónustunnar ehf.,
Karl Ingi Karlsson,
Unnsteinn Árnason og
Þorbjörn Jóelsson

F.h. Vörumiðlunar ehf.,
Magnús Svavarsson framkvæmdastjóri.

Í janúar ár hvert tekur Creditinfo saman lista yfir þau fyrirtæki sem þykja hafa skarað framúr í rekstri á nýliðnu ári. Í ár var Vörumiðlun ehf þar á meðal.